Abdullah Güldən İlham Əliyevə məktub:  "Bu mənə ən gözəl hədiyyə oldu"
09.11.2020 14:10 Prezident

Abdullah Güldən İlham Əliyevə məktub: "Bu mənə ən gözəl hədiyyə oldu"

Türkiyənin 11-ci Prezidenti Abdullah Gül Prezident İlham Əliyevə təbrik məktubu ünvanlayıb.

"MediaPost"un məlumatına görə, təbrik məktubunda deyilir: "Hörmətli Prezident, əziz qardaşım,

Qardaş Azərbaycanın illərdir Ermənistanın işğalı altında qalan torpaqlarını azad etməsi mənə ən gözəl hədiyyə oldu. Azərbaycan xalqının və ordusunun göstərdiyi qəhrəmanlıq sayəsində cəbhədə qazandığınız uğurlardan böyük məmnunluq və qürur hissi duyuram.

Zati-alinizin müdrik rəhbərliyi ilə Dağlıq Qarabağın işğaldan azad edilməsinin və bu həsrətin sona çatmasının yaxın olduğuna inanım qətidir.

Əziz qardaşım, Sizə və ailənizə cansağlığı və xoşbəxtlik, qardaş Azərbaycan xalqına rifah və əmin-amanlıq arzularımı çatdırır, Ermənistanla müharibədə şəhid olan azərbaycanlı qardaşlarımıza Allahdan rəhmət, yaralananlara isə şəfa diləyirəm.

Xəbərlər departamenti

Gündəm