ABŞ-da polisə müqavimət göstərən 11 nəfər saxlanılıb
19.09.2020 22:24 Dünya

ABŞ-da polisə müqavimət göstərən 11 nəfər saxlanılıb

Bir neçə aydır kütləvi iğtişaşların səngimədiyi ABŞ-ın Portlend şəhərində polisə qarşı müqavimət göstərdiyinə görə 11 nəfər saxlanılıb.

 “RİA Novosti”nin xəbərinə görə, bu barədə şəhər polisinin yaydığı məlumatda deyilir.

Məlumata görə, yerli vaxtla təxminən 20:45-də bir qrup insan etirazın başladığı federal qurumun binasına doğru yürüş edib. Kütlə polis tərəfindən dağıdılıb.

“Portlend polisi izdiham arasındakı bəzi konkret şəxslərin polis əməkdaşlarına küt əşyalar atmaqla cinayət törətdiklərini müəyyən edib. Buna görə də 11 nəfər həbs olunub”, - deyə məlumatda qeyd olunub.

"MediaPost"

Xəbərlər departamenti

Gündəm