ABŞ prezidenti: "İran 4 səfirliyimizə hücum planlaşdırırdı"
11.01.2020 06:00 Xarici siyasət

ABŞ prezidenti: "İran 4 səfirliyimizə hücum planlaşdırırdı"

ABŞ prezidenti Donald Tramp növbəti dəfə iddia edib ki, Birləşmiş Ştatların İran İslam İnqilabı Keşikçiləri Korpusunun ("Sepah") Qüds qanadının komandiri, general Qasım Süleymaninin öldürülməsi üzrə əməliyyatı vaxtı qarşı tərəf ABŞ-ın 4 səfirliyinə hücum planlaşdırıb.

“Report” xəbər verir ki, Ağ Ev rəhbəri bu barədə “Fox News”a müsahibəsində bildirib.

O, qeyd edib ki, İran genişmiqyaslı hücumları həyata keçirmək niyyətində imiş.

"Açıqlaya bilərəm - mənim fikirimcə, ehtimal ki, söhbət dörd səfirlikdən gedirdi", - deyə Tramp bildirib.

ABŞ prezidenti söhbətin hansı səfirliklərdən getməsi barədə suala cavabında deyib: "Biz sizə deyə bilərik, ehtimal ki, bu Bağdaddakı səfirlik olardı".

Tramp hücumun planlaşdırıldığı digər diplomatik nümayəndəliklərin adlarını açıqlamayıb.

ABŞ prezidenti Donald Tramp ötən gün də bildirib ki, Birləşmiş Ştatların hərbçiləri tərəfindən öldürülən İran İslam İnqilabı Keşikçiləri Korpusunun ("Sepah") Qüds qanadının komandiri, general Qasım Süleymani ABŞ səfirliklərindən birininin binasını partlatmağı planlaşdırırdı.

"MediaPost"

Xəbərlər departamenti

Gündəm