AFFA-nın baş katibi Şenol Güneşlə görüşüb
05.12.2019 16:58 İdman

AFFA-nın baş katibi Şenol Güneşlə görüşüb

Mediapost.az-ın məlumatına görə, görüş zamanı Türkiyə yığmasının AVRO-2020-nin final mərhələsinin A qrupunda 2 oyununu Bakı Olimpiya Stadionunda keçirəcəyi ilə bağlı məmnunluq hissləri ifadə edən fikirlər səsləndirilib.

Oyunların məhz Bakıda keçirilməsi türkiyəli azarkeşlərin doğma komandalarını dəstəkləməsi üçün məsafə və atmosfer baxımından daha rahat olacağı qeyd olunub. Eyni zamanda, Azərbaycanda olan çoxsaylı Türkiyə futbolu azarkeşlərinin sevimli komandalarına doğma meydan əhval-ruhiyyəsi yarada biləcəyi vurğulanıb.

Elxan Məmmədov Türkiyə millisinə Avropa çempionatında uğurlar arzulayıb, Şenol Günəş isə öz növbəsində səmimi qəbula görə təşəkkürünü bildirib.

Qeyd edək ki, iyunun 13-də Bakı Olimpiya Stadionunda Uels və İsveçrə yığmaları üz-üzə gələcək. İyunun 17-də Türkiyə - Uels, iyunun 21-də isə İsveçrə - Türkiyə matçları Azərbaycan paytaxtında təşkil olunacaq. Bundan başqa, 1/4 final mərhələsinin bir oyunu Bakıda keçiriləcək.

AVRO-2020-nin açılış matçında İtaliya və Türkiyə milliləri Romadakı "Olimpiko" stadionunda qarşılaşacaqlar.

Xəbərlər departamenti

Gündəm