AVRO-2020-nin püşkü atılıb: Türkiyə Bakıda oyun keçirəcək
01.12.2019 07:32

AVRO-2020-nin püşkü atılıb: Türkiyə Bakıda oyun keçirəcək

Mediapost..az-ın məlumatına görə, püşk nəticəsində AVRO-2020-nin qruplarının tərkibi müəyyənləşib.

A qrupunun oyunlarına İtaliyanın paytaxtı Roma ilə yanaşı, Bakı şəhəri də ev sahibliyi edəcək.

AVRO-2020-də paytaxtda keçiriləcək oyunların təqvimi müəyyənləşib.

İyunun 13-də Bakı Olimpiya Stadionunda Uels və İsveçrə yığmaları üz-üzə gələcək. İyunun 17-də Türkiyə - Uels, iyunun 21-də isə İsveçrə - Türkiyə matçları Azərbaycan paytaxtında təşkil olunacaq.

"Bakını istəyirdik. Azərbaycanda, Bakıda öz meydanımızdakı kimi oynayacağıq" - püşkatmanı dəyərləndirən Türkiyə millisinin baş məşqçisi Şenol Günəş belə deyib.

Püşkün nəticələri belə olub:

A qrupu: Türkiyə, İtaliya, Uels, İsveçrə

B qrupu: Danimarka, Finlandiya, Belçika, Rusiya

C qrupu: Hollandiya, Ukrayna, Avstriya, A və ya D Liqasının qalibi

D qrupu: İngiltərə, Xorvatiya, C Liqasının qalibi, Çexiya

E qrupu: İspaniya, İsveç, Polşa, B Liqasının qalibi

F qrupu: D Liqasının qalibi, Portuqaliya, Fransa, Almaniya


Xəbərlər departamenti

Gündəm