Azərbaycan "Beynəlxalq Yaşıl Həftə" sərgisində vahid ölkə stendi ilə təmsil olunacaq
19.01.2023 18:07 Gündəm İqtisadiyyat

Azərbaycan "Beynəlxalq Yaşıl Həftə" sərgisində vahid ölkə stendi ilə təmsil olunacaq

Yanvarın 20-29-da Almaniyanın Berlin şəhərində qida, kənd təsərrüfatı və bağçılıq sahəsində ənənəvi "Beynəlxalq Yaşıl Həftə" ("International Green Week") sərgisi keçiriləcək.
"MediaPost" xəbər verir ki, İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin – AZPROMO-nun təşkilatçılığı ilə sərgidə şərab, qurudulmuş meyvələr, mineral sular, ət və ət məhsulları, duz, çay və qənnadı məmulatlarının istehsalı sahəsində fəaliyyət göstərən 15 Azərbaycan şirkəti öz məhsullarını “Made in Azerbaijan” vahid ölkə stendində nümayiş etdirəcək, həmçinin sərgi ziyarətçilərinə milli mətbəximiz təqdim olunacaq.

Qeyd edək ki, Avropanın ən iri sərgisi hesab olunan “Beynəlxalq Yaşıl Həftə"də Azərbaycan 13-cü dəfə təmsil olunacaq.

Xəbərlər departamenti

Gündəm