Azərbaycan Ordusunun snayperləri atış çalışmaları yerinə yetirib - VİDEO
26.05.2023 10:10 Hərbi

Azərbaycan Ordusunun snayperləri atış çalışmaları yerinə yetirib - VİDEO

Azərbaycan Ordusunun Quru Qoşunlarının 2023-cü il üzrə hazırlıq planına uyğun olaraq, snayper tüfənglərindən atəş hazırlığı üzrə praktiki atış çalışmaları yerinə yetirilib.

Bu barədə "MediaPost"a Müdafiə Nazirliyindən məlumat verilib.

Əvvəlcə hərbi qulluqçular atəş mövqeyinin tutulması və silahın döyüş vəziyyətinə gətirilməsi üzrə normativləri məşq ediblər.

Təlim sahəsində şərti düşmən hədəflərinin aşkar olunaraq məhv edilməsi üzrə tapşırıqlar snayperlər tərəfindən peşəkarlıqla icra olunub.

Keçirilən təlim atış çalışmalarının əsas məqsədi düzgün nişanalma qaydalarına əməl etməklə hədəflərin dəqiq atəşlə məhvetmə qabiliyyətinin artırılmasıdır.

Xəbərlər departamenti

Gündəm