Azərbaycanın 3 para-taekvandoçusu Tokio-2020-yə lisenziya qazanıb
09.05.2021 19:49 İdman

Azərbaycanın 3 para-taekvandoçusu Tokio-2020-yə lisenziya qazanıb

Azərbaycan Milli Paralimpiya Komitəsinin para-taekvando idman növü üzrə milli komandasının üzvü Röyalə Fətəliyeva (49 kq) Bolqarıstanın paytaxtı Sofiya şəhərində keçirilən Avropa Təsnifat turnirinin finalında gürcüstanlı rəqibini məğlub edərək, qızıl medal qazanıb.

Bu barədə “MediaPost"a Milli Paralimpiya Komitəsindən bildirilib. R.Fətəliyeva bununla Tokio-2020 XVI Yay Paralimpiya Oyunlarına birbaşa lisenziya əldə edib.

Azərbaycan Milli Paralimpiya Komitəsinin para-taekvando idman növü üzrə milli komandasının üzvü Əbülfəz Abuzərli də (75 kq) Sofiya şəhərində keçirilən Avropa Təsnifat turnirinin finalında gürcüstanlı rəqibini məğlub edərək, qızıl medala sahib olub və Tokio-2020 XVI Yay Paralimpiya Oyunlarına birbaşa lisenziya qazanıb.

Bununla Milli Paralimpiya Komitəsinin idmançıları 5 idman növündə artıq 12 lisenziya qazanıblar (atletika – 3, üzgüçülük – 3, güllə atıcılığı – 2, pauerliftinq – 1, taekvando – 3)

Qeyd edək ki, para-taekvando idman növü ilk dəfə olaraq Paralimpiya Oyunlarının proqramına salınıb.

Xəbərlər şöbəsi

Gündəm