Bakı metrosunda qatarların hərəkəti ləngiyib
13.11.2019 07:11 Gündəm

Bakı metrosunda qatarların hərəkəti ləngiyib

Bu gün "Bakı Metropoliteni" QSC-nin "28 may" stansiyasından "İçərişəhər" və "Dərnəgül" stansiyalarına gedən qatarlar arasında 7-9 dəqiqə interval yaranıb.

Bununla bağlı xəbəri "Report"a qurumun mətbuat xidmətinin rəhbəri Bəxtiyar Məmmədov təsdiq edib.

Onun sözlərinə görə, buna səbəb bəzi stansiyalarda ("Neftçilər", "Qara Qarayev", "Koroğlu") vətəndaşların qatarlardan minib-düşməsinə sərf olunan vaxtın normadan çox olmasıdır. Son nəticədə qatarlar arasında interval tədricən artıb. Bununla belə, hazırda ləngimə aradan qaldırılıb və qatarlar qrafikə uyğun hərəkət edirlər.

Mediapost.az

Xəbərlər departamenti

Gündəm