Bakının bu küçəsində yol nişanları düzgün deyil: sürücülər qanunsuz cərimələnir - <span>VİDEO</span>
04.08.2020 08:57 Gündəm Cəmiyyət

Bakının bu küçəsində yol nişanları düzgün deyil: sürücülər qanunsuz cərimələnir - VİDEO

Paytaxtın Həsənoğlu küçəsində yol nişanları arasında ziddiyyət var. 

“MediaPost”a şikayət edən sürücülər bildirib ki, yol polisi sürücülərə qanunsuz olaraq cərimə tətbiq edir.

Belə ki, yolun sağında 4.1.1 (məcburi düzünə hərəkət) nişanı quraşdırılıb. Təxminən 50-70 metr irəlidə qoşa xətt hər iki tərəfdən pozulub və 1.9 nişanı yaranıb. Bu isə sürücülərə sola dönməyə imkan verir.

“MediaPost” bildirir ki, qanunla qoşa xətt olduğu halda 4.1.1 nişanının qoyulması həmin yolda artıqdır və o nişan ordan götürülməlidir. Eyni zamanda, bu yolda 1.9 nişanlanma xətti də olmamalıdır.

Ən maraqlısı odur ki, bu halda sürücülərə cərimə yazıla bilməz. Çünki sürücü nişanlar arasında ziddiyyətlər olduğu halda istədiyini seçə bilər.

Qeyd edək ki, yol polisi cərimə yazmazdan əvvəl yolda səhv quraşdırılmış 4.1.1 nişanını çıxarmalı və standarta uyğun olmayan 1.9 reversiz hərəkət zolağını 1.3 qoşa xətlə əvəz etməlidir.

“MediaPost”

Xəbərlər şöbəsi

Gündəm