Belarus daha bu yarışdan da məhrum edildi
22.01.2021 20:15 İdman

Belarus daha bu yarışdan da məhrum edildi

Bu il müasir pentatlon üzrə dünya çempionatı Belarusda təşkil olunmayacaq.

"MediaPost" Beynəlxalq Müasir Pentatlon Birliyinin (UIPM) rəsmi saytına istinadən xəbər verir ki, ölkə 7-13 iyunda Minskdə planlaşdırılan yarışı keçirmək hüququndan məhrum edilib.

Müvafiq qərar Belarusdakı siyasi hadisələrlə əlaqədar qəbul olunub. Bildirilib ki, Tokio-2020 Yay Olimpiya Oyunlarına lisenziya xarakterli yarış eyni tarixdə, amma başqa ölkədə təşkil olunacaq.

Qeyd edək ki, Belarus daha əvvəl büzüstü xokkey üzrə dünya çempionatını keçirmək hüququndan məhrum edilib.

Xəbərlər departamenti

Gündəm