Binədə 19 yaşlı gənci vuran avtomobil hadisə yerindən qaçıb
29.12.2019 06:15

Binədə 19 yaşlı gənci vuran avtomobil hadisə yerindən qaçıb

"MediaPost"-un “Report”-a istinadən verdiyi məlumata görə, hadisə Binə qəsəbəsinin Savxoz adlanan ərazisində qeydə alınıb.

Şahidlərin bildirdiyinə görə, “Ford” markalı avtomobil yolu keçən 2000-ci il təvəllüdlü Əliyev Şahin Teymur oğlunu vurub və daha sonra hadisə yerindən qaçıb.

Yaralı təcili yardımın köməkliyi ilə 3 saylı Şəhər Klinik Xəstəxanasına çatdırılıb. Müayinə zamanı ona, sağ qolun sınığı və üz nahiyəsinin əziyi diaqnozu qoyulub.

Faktla bağlı araşdırma aparılır.

"MediaPost"

Xəbərlər departamenti

Gündəm