Çexiya prezidenti əlil arabasıyla hərəkət edəcək
11.04.2021 17:42 Dünya

Çexiya prezidenti əlil arabasıyla hərəkət edəcək

Çexiya prezidenti Miloş Zeman ayaqların nevropatiyasından əziyyət çəkdiyi üçün əlil arabasına əyləşib.

Bu baradə o, yerli “Blesk” qəzetinin onlayn televiziyasına müsahibəsi zamanı bildirib. Müsahibə canlı olaraq yayımlanıb.

Dövlət başçısı əlil arabası ilə hərəkət etməyin onun üçün daha rahat olduğunu və rəsmi tədbirlərə də araba ilə qatılacağını bəyan edib.

Qeyd edək ki, 76 yaşlı Zeman 2018-ci ildə ikinci müddətə Çexiya prezidenti seçilib. Onun səlahiyyət müddəti 2023-cü ildə başa çatacaq.

Xəbərlər şöbəsi

Gündəm