DANX : Bu il bölgələrdə ictimai nəqliyyat vasitələri yenilənəcək
18.01.2020 09:33 İqtisadiyyat

DANX : Bu il bölgələrdə ictimai nəqliyyat vasitələri yenilənəcək

“MediaPost” xəbər verir ki, bunu “Real TV”yə müsahibəsində Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyat Xidmətinin rəis müavini İbrahim Əliyev bildirib.

O vurğulayıb ki, ötən illərdə sahibkarlar tərəfindən bəzi bölgələrdə avtobuslar yenilənib: “Ümumilikdə, məqsədimiz Azərbaycanın bütün bölgələrində əhaliyə göstərilən xidmətin keyfiyyətini qaldırmaqdır. Bölgələrdə 15-20 il istifadə edilən avtobuslar var və onların yenilənməsinə böyük ehtiyac var”.

İ.Əliyev qeyd edib ki, cari ildə həm bölgələrdə, həm də rayonlararası nəqliyyat vasitələrinin dəyişdirilməsi üçün çalışacağıq: “Eyni zamanda, şəhərlərarası daşımalarda yeni nəqliyyat vasitələrinin təmin edilməsini həyata keçirəcəyik”.

Xəbərlər departamenti

Gündəm