Deputat Yevda Abramovun qızı atasının durumu ilə bağlı açıqlama verib
04.12.2019 08:10

Deputat Yevda Abramovun qızı atasının durumu ilə bağlı açıqlama verib

“Atam hazırda reanimasiyadadır. Səhhətində yaxşılığa doğru cüzi irəliləyiş var”.

Bunu “Report”a açıqlamasında səhhətində problemlər yaranan Milli Məclisin deputatı Yevda Abramovun qızı Bəsti Yusifova deyib.

“Həkimlərin sözlərinə görə, ola bilər hər şey yaxşı olsun və yenidən palataya köçürülsün”, - deputatın qızı bildirib.

Qeyd edək ki, yəhudi əsilli Y.Abramov 1948-ci ildə Qubanın Qırmızı Qəsəbəsində anadan olub. O, Milli Məclisdə hakim Yeni Azərbaycan Partiyasını təmsil edir. Y.Abramov Milli Məclisin İnsan hüquqları komitəsinin sədr müavinidir.

Bir neçə ildir səhhətində problemlər olan deputatın müalicəsi hazırda Mərkəzi Klinik Xəstəxanada davam etdirilir.

Mediapost.az

Xəbərlər departamenti

Gündəm