Əli Həsənovun ailəsinə aid 7 şirkət ləğv edilib
13.01.2021 15:06 İqtisadiyyat

Əli Həsənovun ailəsinə aid 7 şirkət ləğv edilib

Prezident Administrasiyasının ləğv olunmuş İctimai-siyasi məsələlər şöbəsinin müdiri Əli Həsənоvun ailəsinə məxsus 7 şirkət ləğv edilib. 

“MediaPost” xəbər verir ki, söhbət “Bakı 24”, “Kaspi AZ”, “Mətbuat Evi”, “Golden Prince”, “Global Advertisement”, "Kaspi Food” şirkətlərindən və “Kaspi Co” MTK-dan gedir. 

Qeyd edək ki, “Mətbuat Evi”, “Bakı 24”, “Global Advertisement”, "Kaspi Food” şirkətinin qanuni təmsilçisi Əli Həsənovun oğlu Şamxal Həsənlidir. “Kaspi AZ”, “Golden Prince” şirkətləri və “Kaspi Co” MTK-ya isə onun yaxın qohumu Azər Vəliyev rəhbərlik edib. 

Məlumata görə, kreditorlar 2 ay ərzində tələblərini şirkətlərin dövlət qeydiyyatına alındığı Bakı şəhəri, Səbail rayonu, Fikrət Əmirov küçəsi 1 ünvanına bildirə bilərlər.

 

Gündəm