Ermənistanın ABŞ-dakı səfirliyi qarşısında etiraz aksiyası - FOTO
29.02.2020 07:23 Qarabağ Azərbaycandır

Ermənistanın ABŞ-dakı səfirliyi qarşısında etiraz aksiyası - FOTO

“Report”un yerli bürosu xəbər verir ki, Ermənistanın ABŞ paytaxtındakı səfirliyinin binası qarşısında Xocalı soyqırımının 28-ci ildönümü ilə əlaqədar toplaşan soydaşlarımız işğala son qoyulmasını və Xocalı soyqırımının tanınmasını tələb ediblər.


ABŞ Azərbaycanlıları Şəbəkəsinin təşkilatçılığı ilə keçirilən aksiyada Birləşmiş Ştatların bir çox şəhərlərində yaşayan diaspor fəalları iştirak ediblər. Əllərində Azərbaycan bayraqları tutan nümayişçilər Ermənistanın ölkəmizə qarşı təcavüzü, Xocalı soyqırımı haqqında məlumatları əks etdirən fotolarla, plakatlarla "Xocalıya ədalət!" şüarlarını səsləndiriblər. Aksiyada soyqırımını törədənlərin dünya ictimaiyyəti tərəfindən tanınması və cinayətkarların beynəlxalq məhkəməyə verilməsi tələb edilib.


Aksiyanın sonunda Xocalı qurbanlarının xatirəsi bir dəqiqəlik sükutla yad edilib, Azərbaycanın dövlət himni səsləndirilib.

Qeyd edək ki, ABŞ Azərbaycanlıları Şəbəkəsi hər il Xocalı qətliamı qurbanlarının xatirəsinə ehtiram əlaməti olaraq soyqırımının tanınması tələbi ilə etiraz aksiyası keçirir.

"MediaPost"

Xəbərlər departamenti

Gündəm