Haqqımızda

Mediapost İnformasiya Agentliyi 1 noyabr 2019-cu ildə fəaliyyətə başlayıb. Gənc, intellektual və müasir düşüncəli komandadan ibarət Agentlik ən son xəbərləri özünün Mediapost.az adlı veb-saytı, habelə müxtəlif sosial media platformalarında təqdim edir. Mediapost öz auditoriyasının xəbərləri istehlak etmə vərdişlərini və davranışlarını daima analiz etməklə, məlumatları onlara kontentin ən müasir formalarında təqdim etməyi hədəfləyib.

Fəaliyyət göstərdiyi qısa müddət ərzində mütəmadi qaydada yeniliklər edən Mediapost qarşıdakı müddətdə də daim inkişafda olacaq. Əsas məqsədimiz müasir media alətlərindən maksimum faydalanaraq, oxucularımız üçün yeni nəsil media platforması kimi dəyərli olmaqdır.

Bütün dünyada ənənəvi medianı yeni nəsil media alətləri əvəz etməyə başlayıb və bu müasir trendlər sürətlə rəqəmsallaşan ölkəmizdən də yan keçməyib. İnformasiya mühiti inkişaf etdikcə dəyərli oxucularımız və izləyicilərimizin də bu məlumatları istehlak etmə vərdişləri günü-gündən dəyişir. Bu dəyişikliklərlə ayaqlaşmaq və xəbərləri sizin zövqünüzə uyğunlaşdırmaq üçün Mediapost komandamız gecə-gündüz çalışır.