Azərbaycanda koronavirus aşkarlanan şəxslərin sayı 3-ə çatdı
29.02.2020 11:50 Cəmiyyət

Azərbaycanda koronavirus aşkarlanan şəxslərin sayı 3-ə çatdı

Operativ qərargahdan "MediaPost"a bildirilib ki, İran İslam Respublikasından qayıdan iki Azərbaycan vətəndaşında koronavirus xəstəliyinin əlamətləri müşahidə edilib.

Müvafiq qaydalara uyğun olaraq həmin şəxslər xəstəxananın xüsusi rejimli infeksion boksunda yerləşdirilib. Aparılmış müayinələr nəticəsində onlarda koronavirusa yoluxma faktı qeydə alınıb.

Hazırda pasiyentlərin müalicəsi aparılır, onların vəziyyəti sabitdir.

Digər yoluxma hallarının aşkarlanması ilə bağlı həmin xəstələrin kontaktlarının müəyyən edilməsi istiqamətində müvafiq tədbirlər görülür.

"MediaPost"

Xəbərlər departamenti

Gündəm