Livan ordusu Beyrutda nəzarəti bərpa etdi
10.08.2020 21:16 Gündəm Dünya

Livan ordusu Beyrutda nəzarəti bərpa etdi

Beyrutda Livan hərbçiləri bütün nümayişçiləri parlamentə bitişik mərkəzi meydanlardan və küçələrdən sıxışdırıb çıxarıblar. 

Bu barədə “RİA Novosti” xəbər verib.

Məlumata görə, nümayişçilər bazar ertəsi axşam parlamentin binası qarşısında yenidən iğtişaşlar törədiblər. Onlar asayiş keşikçilərinin üstünə daş, armatur və fişəng atıblar.

Polis isə öz növbəsində gözyaşardıcı qazdan istifadə edib.

Nümayişçilərin dağıdılması Baş Nazir Həsən Diyabın ölkə hökumətinin istefa verməsi ilə bağlı çıxışından bir neçə dəqiqə əvvəl başlayıb.

“MediaPost”

Xəbərlər şöbəsi

Gündəm