Maliyyə Nazirliyi 18 milyon manat artıq və əsassız ödənişi büdcəyə qaytardı
18.02.2020 07:58 İqtisadiyyat

Maliyyə Nazirliyi 18 milyon manat artıq və əsassız ödənişi büdcəyə qaytardı

Maliyyə Nazirliyinin Dövlət Maliyyə Nəzarəti Xidmətinin yoxlamaları və aparılan nəzarət tədbirləri nəticəsində aşkar olunan 26 291,9 min manat məbləğində artıq və əsassız ödənişlərin 14 964,9 min manatının yoxlamaların gedişində təqsirkar şəxslər tərəfindən bərpası təmin edilib.

Maliyyə Nazirliyindən "MediaPost"a verilən məlumata görə, Maliyyə Nazirliyinin Dövlət Maliyyə Nəzarəti Xidmətinin 2019-cu il üçün təsdiq olunmuş İş Planına uyğun olaraq Xidmətin mərkəzi aparatı tərəfindən ötən il 13 büdcə təşkilatına və nəzarət zərfi dövlətə məxsus bir səhmdar cəmiyyətinə dövlət büdcəsindən ayrılan vəsaitlərin təyinatı üzrə xərclənməsi yoxlanılıb, 4 büdcə təşkilatının maliyyə-təsərrüfat fəaliyyəti təftiş edilib, eləcə də regional maliyyə müfəttişlikləri tərəfindən bir neçə şəhər və rayonlarda fəaliyyət göstərən büdcə təşkilatlarına ayrılmış vəsaitlərin təyinatı üzrə xərclənməsi üzrə nəzarət tədbirləri həyata keçirilib.

Xəbərlər departamenti

Gündəm