Milli Məclisin deputatları İsveçə səfərə gediblər
05.11.2019 10:52 Siyasət

Milli Məclisin deputatları İsveçə səfərə gediblər

Milli Məclisin deputatları Sahibə Qafarova və Asim Mollazadə İsveçin Stokholm şəhərinə səfərə gediblər.

Milli Məclisin Mətbuat xidmətindən Mediapost.az-a verilən məlumata görə, səfərdə məqsəd Avropa İttifaqının "Şərq Tərəfdaşlığı" proqramının 10 illik yubileyinə həsr olunan tədbirdə iştirak etməkdir.

Deputatlar səfər çərçivəsində "Parlamentlərin rolu və deputatlar, dialoq və plüralizm", "Şərq Tərəfdaşlığının 10-cu ildönümü" adlı panel iclaslarda iştirak edəcək, müzakirəyə çıxarılacaq məsələlərə öz münasibətlərini bildirəcəklər.

Səfər noyabrın 7-də başa çatacaq.

Qeyd edək ki, Azərbaycanın Xarici İşlər naziri Elmar Məmmədyarov da Avropa İttifaqının "Şərq Tərəfdaşlığı" proqramının 10 illik yubileyinə həsr olunan tədbirdə iştirak üçün İsveçə səfərə gedib.

Mediapost.az

Xəbərlər departamenti

Gündəm