Narkotik tərkibli bitkilər əkib-becərən şəxs saxlanıldı
03.08.2020 13:46 Gündəm Cəmiyyət

Narkotik tərkibli bitkilər əkib-becərən şəxs saxlanıldı

Zərdab Rayon Polis Şöbəsinin (RPŞ) əməkdaşlarının həyata keçirdikləri əməliyyat-axtarış tədbiri nəticəsində narkotik vasitələrin kultivasiyası ilə məşğul olmaqda şübhəli bilinən rayonun Alıcanlı kənd sakini Orxan Əmirov saxlanılıb.

Bu barədə "MediaPost"a Daxili İşlər Nazirliyinin (DİN) Mətbuat Xidmətindən məlumat verilib.

Ona məxsus kənd ərazisindəki torpaq sahəsinə baxış keçirilən zaman kultivasiya yolu ilə yetişdirilən yaş halda çəkisi 2 kq 105 qram olan 8 ədəd çətənə kolu aşkar olunaraq götürülüb.

Orxan Əmirov ifadəsində narkotik tərkibli bitkiləri bir müddət əvvəl şəxsi istifadəsi üçün əkdiyini və xüsusi qulluq etdiyini etiraf edib.

Faktla bağlı Zərdab RPŞ-də Cinayət  Məcəlləsinin 237.1-ci  (qanunsuz olaraq tərkibində narkotik maddələr olan bitkiləri kultivasiya etmə) maddəsi ilə cinayət işi başlanılıb, istintaq tədbirləri davam etdirilir.

Xəbərlər şöbəsi

Gündəm