Yasamalda qadını küçədə döydülər

Bakıda qadına qarşı zor tətbiq edilib.

"MediaPost" xəbər verir ki, hadisə paytaxtın Yasamal rayon A. Şərifzadə küçəsində qeydə alınıb. Naməlum şəxs Bakı şəhər sakini D. Babayevanın sinəsindən yumruqla vuraraq içərisində 540 manat olan pul, təqaüd kartları və sənədlərini olan əl çantasını quldurluq yolu ilə talayıb.

Yasamal Rayon Polis İdarəsi və 28-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində soyğunçuluq əməlində şübhəli bilinən, əvvəllər məhkum olunmuş, 1982-cü il təvəllüdlü Ramin İsmayılov müəyyən olunaraq saxlanılıb.

Faktla bağlı araşdırma aparılır.

Digər fikirlər

Daha çox fikir