Nigeriyalı “Sarı gəlin”i Azərbaycan dilində oxudu - VİDEO
13.09.2020 14:40 Mədəniyyət

Nigeriyalı “Sarı gəlin”i Azərbaycan dilində oxudu - VİDEO

Ukraynada keçirilən "Qolos Ukrainı" müsabiqəsininin keçmiş iki iştirakçısı – azərbaycanlı ifaçı Vaqif Nağıyev və Odessada yaşayan nigeriyalı Anyanya Udonqvo Azərbaycanın xalq mahnısı “Sarı gəlin”i duet ifa ediblər.

"MediaPost" xəbər verir ki, V.Nağıyev bu mahnını çoxdan ifa etmək istəyib, lakin cəsarət etməyib. “Duet oxumaq təklifimi qəbul etdiyi üçün dostum Anyanya Udonqvoya təşəkkür edirəm. Mənim fikrimcə, hələ heç kim bu mahnını onun kimi gözəl oxumayıb”, - deyə azərbaycanlı ifaçı sosial şəbəkə hesabında yazıb.

Duetdə A.Udonqvo “Sarı gəlin” mahnısını Azərbaycan və ingilis dillərində ifa edib.

Ekran işində rəqqasə Oksana Rəsulova da yer alıb.

 

Xəbərlər departamenti

Gündəm