Nyu Yorkda havanın keyfiyyəti kəskin şəkildə pisləşib - FOTO
Kanadada davam edən meşə yanğınları ilə əlaqədar olaraq, Nyu York 1960-cı illərdən bəri ən pis hava keyfiyyətinə malikdir.
"MediaPost"un məlumatına görə, bu barədə "Fox News" məlumat yayıb.
Nyu-York meri Erik Adams və ictimai səhiyyə və fövqəladə hallar rəsmiləri sakinlərə mümkün qədər evdə qalmaq və küçələrdə qoruyucu maskalar taxmaq barədə xəbərdarlıq edib.
Şəhərin səhiyyə komissarı Dr. Ashwin Wasan havanın keyfiyyətinin kəskin şəkildə pisləşməsinin vətəndaşlar, xüsusilə yaşlılar və gənc uşaqlar üçün əsl sağlamlıq təhlükəsi olduğunu vurğulayıb.
Şəhərdə görmə qabiliyyətinin əhəmiyyətli dərəcədə pisləşməsi ilə əlaqədar federal hakimiyyət orqanları Nyu-Yorkun LaGuardia hava limanının işini dayandırıb.
Kanada meşə yanğınlarının tüstüsünün tezliklə Nyu-York əyalətinin böyük bir hissəsinə yayılacağı gözlənildiyi üçün qubernator Keti Hokul da sakinlərə evlərini lazımsız yerə tərk etməməyə çağırıb.
