Qarabağda əlavə su mənbələrinin yaradılmasına başlanıldı
03.06.2021 16:04 İnfrastruktur

Qarabağda əlavə su mənbələrinin yaradılmasına başlanıldı

“Azərbaycan Meliorasiya və Su Təsərrüfatı” ASC işğaldan azad edilmiş Zəngilan, Qubadlı və Cəbrayıl rayonlarında əlavə su mənbələrinin yaradılması ilə bağlı qiymətləndirmə işləri aparır.

"MediaPost" xəbər verir ki, bunu qurumun sədr müavini Rafiq Aslanov bildirib.

“Həmin rayonlarla yanaşı, Kəlbəcər rayonunda da əlavə su mənbələri var, Tərtərçaydan başqa Bəsitçay, Həkəriçay, Bazarçay mövcuddur. Biz çalışırıq ki, oralarda suyun toplanması üçün tədbirlər görək. Bunun üçün müəyyən işlər aparmışıq və gələn həftə hökumətə təqdim etmək istəyirik. Məsələn, Həkəriçayın suyu təmiz sudur və mənfur qonşularımızın ərazisindən keçməyən, təmiz su toplanan hissəsində su anbarının tikintisini nəzərdə tuturuq. Orada 130 milyon kubmetr həcmində su anbarı tikmək mümkündür”, - deyə o qeyd edib.

Xəbərlər departamenti

Gündəm