Qubada  yeyib-içmək məclisi təşkil edən gənclər saxlanılıb
20.04.2020 13:51 Hadisə

Qubada yeyib-içmək məclisi təşkil edən gənclər saxlanılıb

Daxili İşlər Nazirliyinin mətbuat xidmətinin Quba regional qrupundan "MediaPost"a verilən xəbərə görə, ölkə ərazisində xüsusi karantin rejiminin elan edilməsinə baxmayaraq bəzi şəxslər tərəfindən nizam-intizamın pozulması hallarına hələdə rast gəlinməkdədir.

Belə ki, Quba rayonu 2-ci Nügədi kənd sakinləri olan beş gənc kənd ərazisində yerləşən Çənlibel gölü ətrafında toplaşaraq yeyib-içmək məclisi təşkil ediblər. Elan edilmiş xüsusi karantin qaydalarını kobudcasına pozan şəxslər ərazidə xidmət aparan Quba RPŞ-nin əməkdaşları tərəfindən saxlanılaraq polis şöbəsinə gətiriliblər və burada hər biri barəsində İnzibati Xətalar Məcəlləsinin 211-ci maddəsi ilə tədbir görülərək 100 manat miqdarında cərimə ediliblər.

Xəbərlər departamenti

Gündəm