Rusiya idmançılarının beynəlxalq yarışlara buraxılması üçün şərtlər açıqlanıb
25.01.2023 23:17 Dünya

Rusiya idmançılarının beynəlxalq yarışlara buraxılması üçün şərtlər açıqlanıb

Beynəlxalq Olimpiya Komitəsi (IOC) rusiyalı idmançıların beynəlxalq yarışlara buraxılması üçün şərtləri açıqlayıb.

MediaPost qurumun rəsmi saytına istinadən xəbər verir ki, IOC Rusiya təmsilçilərinə neytral statusda mübarizə aparmağı təklif edib.

Bildirilib ki, bu, Olimpiya Xartiyasına əməl edən, yəni, Ukraynaya hərbi müdaxiləni dəstəkləməyən, həmçinin Ümumdünya Antidopinq Agentliyinin (WADA) qaydalarına əməl edən ruslara aiddir. Həmçinin, bütün idmançılar fərdi yoxlamalardan keçməli olacaqlar.

Beynəlxalq Olimpiya Komitəsinin yaydığı press-relizdə heç bir ayrı-seçkilik tətbiq etmədən bütün idmançıların hüquqlarına hörmət edilməsinin zəruriliyi vurğulanıb.

Xəbərlər departamenti

Gündəm