Şəmkirdə arvadının boğazını kəsərək öldürən şəxs tutulub - RƏSMİ
20.04.2020 09:14 Kriminal

Şəmkirdə arvadının boğazını kəsərək öldürən şəxs tutulub - RƏSMİ

Baş Prokurorluğun Mətbuat xidmətinin böyük prokuroru Kənan Zeynalov "MediaPost"-a açıqlamasında bildirib ki, aprelin 19-da 1991-ci il təvəllüdlü Mübariz Məmmədov Şəmkir rayon polis şöbəsinə gələrək həyat yoldaşı Nailə Məmmədovanı öldürməsi ilə bağlı məlumat verərək könüllü təslim olub.

Araşdırmalarla M.Məmmədovun həmin gün saat 09 radələrində qısqanclıq zəminində arvadı, 1993-cü il təvəllüdlü Nailə Məmmədovaya bədənin müxtəlif nahiyələrinə bıçaqla xəsarətlər yetirərək qəsdən öldürməsinə şübhələr üçün əsaslar müəyyən edilib.

Faktla bağlı Şəmkir rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, M.Məmmədov cinayət əməlinin törədilməsində şübhəli bilinərək tutulub.


Xəbərlər departamenti

Gündəm