Tbilisidə etiraz aksiyası bərpa olunub
15.11.2019 16:26

Tbilisidə etiraz aksiyası bərpa olunub

Tbilisidə Gürcüstan parlamentinin binası qarşısında növbədənkənar parlament seçkiləri tələbi ilə keçirilən etiraz aksiyası bərpa olunub.

“Report” xəbər verir ki, dinc aksiyada ictimai fəallarla yanaşı, müxalifət partiyalarının nümayəndələri də iştirak edirlər.

Etirazçılar parlament binasının önündəki Rustaveli prospektinə qızınmaq üçün dəmir çəlləklər və odun gətiriblər.

Təşkilatçılar aksiyanın 24 saat rejimində keçiriləcəyini bildiriblər.

Qeyd edək ki, Tbilisidə etirazlara ötən gün Gürcüstan parlamentində proporsional seçki sisteminə keçidlə bağlı qanun layihəsinin dəstəklənməməsi səbəb olub.

Xəbərlər departamenti

Gündəm