Türkmənbaşıda Azərbaycan, Türkmənistan və Türkiyə üçtətərəfli sammiti keçiriləcək
29.11.2022 21:34 Xarici siyasət

Türkmənbaşıda Azərbaycan, Türkmənistan və Türkiyə üçtətərəfli sammiti keçiriləcək

Bu il dekabrın əvvəlinə nəzərdə tutulan Azərbaycan, Türkmənistan və Türkiyə üçtərəfli sammitinin Türkmənbaşı şəhərində yerləşən "Avaza" milli turizm zonasında keçirilməsi planlaşdırılır.

Mediapost xəbər verir ki, bu barədə Türkmənistan Xarici İşlər Nazirliyi məlumat yayıb.

Məlumata görə, görüş zamanı bir sıra sazişlərin imzalanması nəzərdə tutulur. Həmçinin üçtərəfli görüş ərəfəsində Türkmənistanda energetika, nəqliyyat və xarici işlər nazirlərinin toplantısı baş tutacaq.

Qeyd edək ki, ötən gün Ankarada Türkiyə və Türkmənistanın xarici işlər nazirliklərinin yüksək səviyyəli nümayəndələri arasında siyasi məsləhətləşmələr keçirilib.

Xəbərlər departamenti

Gündəm