UNİSEF Suriyada valideynlərini itirmiş azərbaycanlı uşaqlarla bağlı məsələni nəzarətə götürüb
25.12.2019 15:00

UNİSEF Suriyada valideynlərini itirmiş azərbaycanlı uşaqlarla bağlı məsələni nəzarətə götürüb

"MediaPost" "Report"-a istinadən xəbər verir ki, bu barədə UNİSEF-in Azərbaycandakı nümayəndəliyinin rəhbəri Edvard Karvardin Azərbaycanın İnsan Hüquqları üzrə Müvəkkili (Ombudsman) Səbinə Əliyeva ilə görüşündə deyib.

Ombudsman Səbinə Əliyeva hər iki valideynini itirmiş azərbaycanlı uşaqların Suriyada məhrumiyyətlərlə üzləşərək çətin vəziyyətdə qaldıqlarını, onların pozulmuş hüquqlarının bərpasının və qısa müddət ərzində öz ölkələrinə gətirilməsinin vacibliyini, bu məsələdə UNİSEF-in dəstək göstərməsinin əhəmiyyətli olacağını E.Karvardinin diqqətinə çatdırıb.

E.Karvardin isə qurumun bu məsələni nəzarətə götürərək bəhs olunan ölkədəki nümayəndəliyə məlumat verəcəyini, təşkilatın öz imkanlarını səfərbər edərək yardımçı olacağını bildirib.

"MediaPost"

Xəbərlər departamenti

Gündəm