“Xiaomi” koronavirusa görə Çində pərakəndə satış mağazalarını bağlayıb
30.01.2020 16:29 İqtisadiyyat

“Xiaomi” koronavirusa görə Çində pərakəndə satış mağazalarını bağlayıb

Bu məqsədlə şirkət xüsusi alış-veriş rejiminə keçərək bir sıra elektronika mağazalarını bağlayıb.

"MediaPost" “ICTnews”a istinadən xəbər verir ki, yanvarın 28-dən etibarən şirkət Çində pərakəndə satış nöqtələrində satışları dayandırıb. Mağazaların fevralın 3-də fəaliyyətini bərpa edəcəyi gözlənilir. Karantinin müddəti uzadılacağı təqdirdə şirkətin müştərilərinə əlavə məlumat veriləcək.

Şirkətin məlumatında mağazaların fəaliyyətinin dayandırılması müddəti ilə yanaşı, elektronika və digər malların alış-verişini istehsalçının rəsmi saytı və ya “Xiaomi Mall” mobil əlavəsi vasitəsilə etmək təklif olunur. Çatdırılma adi rejimdə həyata keçiriləcək. Alıcıların texniki xidmətə ehtiyacı olacağı təqdirdə onlara xüsusi nömrəyə zəng etmək təklif olunacaq.

Xəbərlər departamenti

Gündəm