“Zirə” “Sabah”ı məğlub etdi
08.11.2020 20:35 İdman

“Zirə” “Sabah”ı məğlub etdi

Azərbaycan Premyer Liqasında IX turun son oyunu keçirilib.

"MediaPost"  xəbər verir ki, "Bank Respublika Arena"da "Sabah" komandası "Zirə"ni qəbul edib. FIFA referisi Rauf Cabbarovun idarə etdiyi görüş qonaq komandanın qələbəsi ilə yekunlaşıb - 1:0. Yeganə qolu 58-ci dəqiqədə Ağabala Ramazanov vurub. 42-ci dəqiqədə "Sabah"ın hücumçusu Ramil Şeydayev penaltidən yararlana bilməyib. 90+1-ci dəqiqədə isə "Zirə"nin qapıçısı Mateus Albino ikinci sarı vərəqə alaraq, meydandan qovulub.

Bu qələbə sayəsində "Zirə" xallarını 15-ə çatdırıb və eyni xala malik şərikli liderlər "Qarabağ" və "Sumqayıt"la bərabərləşib. Ardıcıl 6-cı məğlubiyyətlə üzləşən "Sabah" isə 6 xalla sonuncu pillədə qalıb.

Qeyd edək ki, turun əvvəlki oyunlarında "Keşlə" "Qəbələ"ni 3:1, "Səbail" "Sumqayıt"ı 2:1, "Qarabağ" isə "Neftçi"ni səfərdə 6:0 hesabı ilə məğlubiyyətə uğradıb.

Xəbərlər şöbəsi

Gündəm